मिलि बन्छन् गीतहरू

कहीँ आशु कहीँ हाँसो मिलि बन्छन् गीतहरू
उर्लिएर भावना ती बनि दिन्छन शीतहरू


जून आउँछ हर रात कथा बोकि विहानीको
चिरिन्छ यो छाती देख्दा आउने जाने रीतहरू



खोज्छ मुटु अधिर भै हर पल साथ उहि
कहाँ पाउँ छुटेका ती आफ्नै प्यारा मीतहरू


खुशी देख्छ दुनियाँले नक्कली यो हाँसो भित्रै
कोहि त् भन यी मेरा, हार हुन् कि जीतहरु

अपुरो झै लाग्छ सधै, पाउँदा र गुमाउँदा
अजम्बरी प्यास बने मनका यी धीतहरू ।

निर्मला खड्का
भैरहवा (हाल इज्राइल)