उदाश नजर धुवाँ धुवाँ छन
मनका रहर धुवाँ धुवाँ छन् ।
गगनभरी छ बारुदको मुस्लो
हरेक शहर धुवाँ धुवाँ छन ।
डर त्रास निर्दोषकै चित्कारमा
भोलिका प्रहर धुवाँ धुवाँ छन ।
संघारमा आई मुस्काउँदा मृत्यु
पीडामा अधर धुवाँ धुवाँ छन ।
अनिदोमै बिते कयौ रातहरु
आँखामा असर धुवाँ धुवाँ छन ।
आज अन्यौल भविष्य अभरको
अनिश्चित सफर धुवाँ धुवाँ छन ।
शान्तिको आउला सुनौलो बिहान
सपना अमर धुवाँ धुवाँ छन ।
No comments:
Post a Comment